Olarain, Donostian kokaturiko, ostatu-zerbitzuen zentro bat da, Euskadin barrenako bidaia pertsonalizatuak antolatzen dituena. Mundu osoko euskal-etxeetako kideak eta taldeak hartu ditugu gurean azken 13 urteetan, batzuk Eusko Jaurlaritzaren bidez. Ikasleak, irakasleak eta turistak ere hartzen ditugu.
Olarainek bisitaldiak eskaintzen ditu leku ezagunetara; esaterako, Gaztelugatxeko Doniene, Zugarramurdiko haitzuloa, Aralarko San Miguel, Oñati, Arantzazuko basilika, hala nola euskal ekitaldi tradizionaletara; alegia, Lantzeko inauteriak, Lesakako Zubi-dantza, pilota-partidak, produktu tradizionalen ekoizpena, etab. Gainera, nahi izanez gero, bisitaldia zure kasa egiteko gomendioak emango dizkizugu.
Michelin izarren herrialdera etorri zara. Abangoardiako sukaldaritzarena, sukaldaritza tradizionalarena eta miniaturazko sukaldaritzarena ere bada. Egin dezakezu hamaiketakoa pintxoak janez kalerik kale, egin dezakezu bazkaria sagardotegi batean eta afaria, berriz, hiru izarreko jatetxe batean. Egun bakarrean munduan beste inon ez bezalako esperientzia gastronomikoa dastatuko duzu.
Mota guztietako taldeentzako euskal kulturari eta tradizioei buruzko ikastaroak antolatzea da gure espezialitatea. Txalaparta, euskal dantzak, sukaldaritza-ikastaroak, etab. Lehen urratsak emateko edo dakizuna handitzeko behar duzuna eskainiko dizugu.
Donostia estrategikoki kokatuta dago; ordu bete baino gutxiagora dauzkazu txango guztien abiapuntuak. Guggenheim Museoa, Miarritze, Gasteiz edota Iruñea ordu betera baino gutxiagora daude autobusez. Gainera, hiriak hiru hondartza ditu, lau jatetxe Michelin izarren bat dutenak, hainbat musika-jaialdi, nazioarteko zinemaldi bat eta kultura- eta kirol-jarduera asko eta asko.
Donostian, San Telmo Museoa, Itsas Museoa eta Zientzia Museoa dauzkazu. Autoz 20 minutuko bidea eginda, Balenciaga Museoa, eta ordubetera, berriz, Guggenheim Museoa.
Donostia da metro koadroko Michelin izar gehien dituen hirietako bat. Guztira hamaika izar batzen dituzten lau jatetxe daude 10 kilometroko bitartean.
Paseo Ondarreta 24, 20018
Donostia - San Sebastián, Gipuzkoa
+34 943 00 33 00
olarain@olarain.com
Alex Marín Yarza
